Фото: Принтскрин
Тригодишно девојче трагично го загуби животот откако се удави во базен на Родос, за време на приватна детска прослава на која присуствувала заедно со нејзината баба. Никој од присутните не видел кога детето паднало во водата.
Сведоците изјавиле дека девојчето било извадено од базенот без знаци на живот, по што веднаш биле повикани службите за итна медицинска помош (EKAB). Тимот пристигнал за неколку минути и веднаш започнал со обид за реанимација, но и покрај продолжените напори, детето подоцна починало во болницата на Родос.
Лекарите и медицинскиот персонал дале сѐ од себе за да го спасат животот на девојчето, но повредите од давењето биле фатални. Случајот ја потресе локалната заедница, а полицијата веднаш покрена истрага за да утврди како дошло до трагичниот инцидент.
Како дел од истрагата, уапсен е сопственикот на продавница за здрава храна на чииот имот се наоѓал базенот каде се случила несреќата. Според првичните информации, објектот не располагал со лиценциран спасител, иако тоа е законска обврска за вакви капацитети.
