Фото: Принтскрин
Владимир Бурев, 36-годишен жител на Штип, сопруг и татко на две малолетни деца, е пријавен како исчезнат од вчера наутро. Според информациите, тој го напуштил семејниот дом во раните утрински часови, околу 04:25 часот, а неговото исчезнување било пријавено во СВР Штип истиот ден, околу пладне, од страна на неговиот татко.
Во изјава за „Фокус“, неговиот татко, Васил Бурев, истакна дека целото семејство е во состојба на голема загриженост и неизвесност. Тој нагласи дека се алармирани сите надлежни институции, кои се активно вклучени во потрагата, а дополнителна помош се бара и од јавноста.
„Васил има сопруга и две дечиња, живеат во наша близина. Неговата сопруга ни јави дека заминал, оставил и писмо. Сите сме презагрижени, и само се надеваме се да биде во ред и да биде пронајден жив и здрав“, вели таткото за „Фокус“.
Таткото вели дека добиле информација дека со такси возило бил однесен во Велес, а доколку некој го забележи може да ги контактира на 075 275 445.
