Вучиќ: Србија сака да обнови еден или два градови во Украина

Претседателот на Србија, Александар Вучиќ, учествуваше на Самитот Украина – Југоисточна Европа, кој се одржа во Одеса, каде што изрази подготвеност Србија конкретно да помогне во процесот на обновата на Украина.

Во своето обраќање на првата сесија од самитот, Вучиќ предложи Србија да преземе одговорност за реконструкција на еден или два града, или на помал регион, со цел да се покаже солидарност и поддршка кон украинскиот народ.

„Би сакал да ја добијам вашата поддршка, претседателе Зеленски, за да можеме заеднички да одбереме конкретна локација – било да е тоа еден или два града или помал регион – каде Србија ќе се вклучи во обнова. Верувам дека таквата соработка би имала видливо и значајно влијание за граѓаните на Украина, бидејќи ќе покаже јасна и искрена поддршка“, изјави Вучиќ.