Индиски патнички авион на компанијата Air India, лет AI171 со модел Boeing 787-8 Dreamliner, доживеа тешка несреќа утрово во близина на меѓународниот аеродром во Ахмедабад, за време на обид за полетување.
Според првичните податоци, во авионот се наоѓале околу 242 патници. Засега не е потврдено колкумина од нив преживеале, а спасувачките екипи се веќе на терен и работат на евакуација и обезбедување на местото на несреќата.
На социјалните мрежи почнаа да кружат видеа и фотографии од трагичниот настан, меѓу кои и снимка што го прикажува моментот на падот на авионот.
