Апсења за „Пулс“: Приведени над 10 полицајци во Кочани

Во Кочани вечерва е спроведена голема полициска акција во која се приведени вкупно 13 лица, од кои повеќето се припадници на полицијата.

Според неофицијални информации, меѓу приведените има и високи полициски службеници кои биле на должност во моментот кога се случила контроверзната несреќа што ја потресе јавноста.

Меѓу приведените се и Т.Д., началник на криминалистичката полиција, Д.П., сменоводителот кој бил на должност ноќта на несреќата, како и М.М., раководител на Отсекот за внатрешни работи (ОВР) во Кочани. Приведени се и К.Ј., началник на одделението за економски криминал при ПС Кочани, како и полицаецот М.Р., кој исто така бил на смена во критичниот период.