Фото: Принтскрин
Васил Јованов, кој веќе отслужува затворска казна од 12 години поради смртоносно прегазување на 24-годишната Фросина Кулакова на обележан пешачки премин, денеска се најде повторно пред суд – но во сосема друг случај.
Станува збор за процес што се води пред Апелациониот суд во Скопје, поврзан со обвинение за недозволена трговија со наркотични средства. Основниот суд претходно го прогласи Јованов за виновен и му изрече казна затвор, но обвинителството не беше задоволно од пресудата и поднесе жалба, барајќи построга санкција.
На денешната јавна седница, освен Јованов, присуствуваше и неговиот адвокат, кој категорично се спротивстави на можноста за зголемување на казната. Од страна на обвинителството, предметот го застапуваше вишата јавна обвинителка Фатиме Фетаи.
