Споменик на музиката кој нема да згасне никогаш – во чест на Ѓоргиев и 62 загинати во пожарот во Кочани

Иницијатива за изградба на спомен-обележје посветено на Георги Георгиев, член на бендот ДНК, и сите 62 жртви од трагичниот пожар во клубот „Пулс“ во Кочани се шири низ социјалните мрежи.

„Џоко Ѓоргиев имаше само 24 години – млад музичар со големо срце и талент што ги допираше сите околу него.

На една обична вечер , на еден обичен настап , трагично ја изгуби битката со огнот свирејќи , давајќи љубов преку тапаните токму како што секогаш знаеше. Огнот можеби го зеде неговото тело, но не и споменот, музиката и љубовта што ни ги остави. Како феникс, тој остана да лета меѓу нас во нашите сеќавања, во секој тон што ќе не потсети на него, во секоја искрена емоција што ја остави зад себе . 

Ние сакаме таа искра да живее засекогаш. 

Затоа започнуваме иницијстива за подигнување на споменик во чест на Џоко Ѓоргиев – во неговата родна Струмица , и во чест на сите 62 згаснати звезди. 

Споменик не на загубата , туку на вечниот препород. 

Да не дозволиме неговото име да се заборави . Да се обединеме како негови пријатели , како негови сограѓани , како поединци што веруваат во музиката и човечноста“, се вели во иницијативата.

ДОКОЛКУ САКАТЕ ДА ДОНИРАТЕ, ТОА МОЖЕ ДА ГО НАПРАВИТЕ ТУКА (PAVELANDREEV.ORG)