Фото: Принтскрин
Во четвртокот наутро, во Германија беше пронајдена мртва девојка (28), наводно со српско-германско потекло. Таа била застрелана со огнено оружје, а нејзиното тело било откриено од случаен минувач крај патот, на работ од шума во близина на градот Хермескајл.
Истото утро, полицијата го уапсила осомничениот за убиството – 34-годишниот Денис М., германски државјанин и познаник на жртвата. Според првичните информации, тој е семеен човек, а истражителите претпоставуваат дека станува збор за злосторство од страст, иако точниот мотив сè уште се истражува.
Денис бил уапсен во градот Вадерн, каде што и живее со своето семејство. Полицијата соопшти дека преку интензивна истрага го идентификувала мажот од Саарланд како осомничен за убиството на девојката, по што бил брзо приведен во округот Вадрил.
Телото на девојката било пронајдено околу 5:30 часот наутро покрај локалниот пат L151, меѓу Хермескајл и Нонвајлер. Полицијата веднаш го обезбедила местото на настанот додека траела форензичката истрага.
Иако деталите за убиството сè уште не се откриваат, познато е дека осомничениот поседува огнено оружје, но не е потврдено дали има дозвола за него.
По злосторството, Денис М. бил во бегство, а полицијата интензивно трагала по возилото со кое, според сомнежите, се обидел да избега.
