Фото: Принтскрин
На протестот „Марш на ангелите“ организиран од родителите на младите кои трагично го загубија животот во пожарот во дискотеката „Пулс“ на 16 март, доминираа силни емоции, гнев и очај, насочени кон институциите и политичарите во земјава.
Настанот, што се одржа денеска, ја отслика длабоката недоверба и болката на семејствата кои сè уште чекаат правда и одговорност за трагедијата.
Еден од највпечатливите и најемотивните моменти на протестот беше обраќањето на таткото на младиот тапанар од групата „ДНК“, кој загина во пожарот.
Со длабоко потресен, но истовремено остар и обвинителен тон, тој јавно ја осуди претседателката Гордана Сиљановска-Давкова, нарекувајќи ја „маќеа“, а не мајка на народот.
Видео: Инфомакс.мк
