Во тек предистражна постапка за дивоградбите во Чаир

Јавното обвинителство има отворено предмет по сопствена иницијатива, врз основа на информации објавени во медиумите, кои се однесуваат на бесправна градба на територијата на општина Чаир.

Како што соопштија од Обвинителството, во тек е предистражна постапка во рамки на која се спроведуваат низа проверки и активности со цел утврдување на евентуални неправилности и законски прекршувања.

Надлежните институции веќе обезбедиле обемна документација поврзана со предметот, прибавена од општина Чаир, Министерството за транспорт и врски, Државниот управен инспекторат, како и од Државниот инспекторат за градежништво и урбанизам.