Падна „Султан Сулејман“ – доби затворска казна поради протест во Турција

Познатиот турски актер Халит Ергенч, кој стекна меѓународна слава со улогата на Султан Сулејман во серијата „Величествениот“, е осуден на затворска казна поради лажно сведочење во судски процес поврзан со протестите во паркот Гези од 2013 година. Веста ја објави турската новинска агенција „Анадолу“.

Судот во Истанбул го прогласи Ергенч за виновен поради давање противречни и неточни изјави во врска со неговото учество и врските со организаторите на протестите. Според судските документи, актерот дал изјави кои биле во спротивност една со друга, што на крај доведе до обвинение за намерно извршено лажно сведочење.

Првично, на Ергенч му беше изречена казна од 2 години и 3 месеци затвор. Сепак, поради соработката со судот и неговото примерното однесување во текот на процесот, казната беше ублажена на 1 година, 10 месеци и 15 дена.