По речиси 20 години во бегство, македонските безбедносни служби успеаја да го лоцираат и приведат Хамди Бајрамовски, познат под прекарот „Командант Бреза“. Против него беше распишана меѓународна потерница уште од 2003 година, по наредба на Основниот суд Скопје II, објави „4News.mk“.
Бајрамовски беше баран за сторување на сериозни кривични дела, меѓу кои и кривично дело според член 237 од Кривичниот законик, како и за други тешки прекршувања на законот.
И покрај долгогодишното криење, неговото име остана присутно во јавноста, особено поради неговата улога и дејствувањето за време на конфликтот во 2001 година, кога го доби и прекарот „Командант Бреза“.
Извор: 4News.mk
