Фото: Igor MC Jakimovski
Атлетичарот и олимписки претставник Дарио Ивановски од клубот АК „Скопски маратон“ уште еднаш потврди зошто важи за еден од најдобрите македонски тркачи, откако триумфираше на полумаратонската трка во рамки на деветтото издание на „Охрид трчаТ“.
Тој 21-километарската патека ја истрча за импресивни 1 час, 8 минути и 53 секунди, поставувајќи нов рекорд на оваа манифестација и подобрувајќи го сопствениот резултат од минатата година за повеќе од една минута (1:10:01).
На второто место се пласира бугарскиот атлетичар Мирослав Спасов со време од 1:14:51, додека трет финишираше Муџахид Мислими од Македонија, само три секунди подоцна – 1:14:54.
