Фото: Stefce Trpkovski
Градоначалникот на општина Сопиште, Стефче Трпковски, преку објава на својот официјален профил на Фејсбук, упати јавно предупредување до жителите и сите учесници во сообраќајот да избегнуваат користење на патниот правец преку Теферич.
Како што посочи Трпковски, овој патен сегмент во моментов не ги исполнува основните услови за безбедно одвивање на сообраќајот и претставува сериозен ризик за возачите и патниците.
„Ве информираме дека поради новонастанатата ситуација на патот кон Теферич, кој тоне и на дел од конструкцијата на патот се појавени распукнатини, истиот е затворен за сообраќај од безбедносни причини до остранување на проблемот. За Ваша безбедност, Ве замолуваме да ги користите другите алтернативни патишта“, соопшти градоначалникот.
