„Најди си некое ново море таму горе“: Пријатели се збогуваат од загинатата Тијана во Будва

Тинејџерката Тијана Р. (19) од Нови Сад загина пред два дена во Будва, кога од засега непознати причини се одврзала од сајлата за време на парасејлинг и паднала од висина од околу 50 метри во морето. Неутешните пријатели ја објавија нејзината фотографија и ѝ упатија трогателни зборови на последно збогување.

„Немаме зборови со кои би можеле да го опишеме сето она што го преживуваме и како се чувствуваме. Останавме без зборови. Она што го знаеме и во што сме сигурни е дека се бореше до последен здив и беше толку храбра што се обиде да го спасиш својот млад живот, но, за жал, не успеа.“

„Толку беше храбра и неустрашива. Ние кои те познававме знаеме колку се радуваше на животот и на сè што те очекуваше: матурската вечер, факултетот, Шпанија, твоето патување во Америка за кое толку многу зборуваше. Светот беше пред тебе – те чекаше. Недостигаш неизмерно. Се вртиме и чекаме да се појавиш од некаде, да нè повикаш… но не. Патувај мирно, почивај во мир, и најди си некое море таму горе што толку го сакаше. Те сакаме бескрајно“ – напишаа пријателите на девојката која трагично го загуби животот во Будва.