Фото: Принтскрин
Неколку туристи од Србија биле казнети во Грција откако беше објавено предупредување дека отсега ќе има построги сообраќајни контроли на Касандра. На Фејсбук страницата „Никана“, која има многу следбеници од Србија и Грција, некои се „пожалија“ дека биле строго казнети – и тоа со дури 200 евра – поради, како што велат, свртување од десна лента во улица лево, каде што се наоѓало нивното сместување.
Иако сезоната сè уште не започнала, јасно е дека казните за прекршување на сообраќајните прописи се високи. – Денес плативме казна од 200 евра на Касандра затоа што свртевме од десната лента во улица лево, каде што ни е сместувањето. Таму е невозможно поинаку да се сврти, станува збор за главниот пат во Криопиги. Полицијата не следеше до сместувањето и ни ја наплати казната од 200 евра, ни ги зедоа документите и потоа моравме да одиме во Касандра за да ја платиме казната – вели еден Србин и додава:
– Тврдат дека сме поминале преку двојна полна линија кога свртевме кон сместувањето од левата страна на патот. Полицајците беа многу непријатни и првично не сакаа да ни ги вратат документите до понеделник, иако ја плативме казната – раскажуваат српските туристи.
