Милановиќ: Никој нема да влезе во ЕУ, освен можеби Црна Гора

Хрватскиот претседател Зоран Милановиќ денеска изрази длабок скептицизам во однос на проширувањето на Европската Унија, наведувајќи дека освен можеби Црна Гора, ниту една земја нема реални шанси да стане дел од европското семејство во блиска иднина.

„Проширување нема да има – можеби единствено Црна Гора ќе успее, но и тоа е под знак прашалник. Останатите држави се хранат со илузии и лажни ветувања, кои главно служат како средство за притисок и за добивање одредени отстапки“, изјави Милановиќ на предавање одржано пред студентите на Северниот универзитет во Копривница, пренесува „Загребски индекс“.