Мајка на починато девојче во Кочани: Разбудете се пред да биде доцна

Во емотивен коментар под објава на порталот „Инфомакс“, мајка која го загубила своето дете во трагичниот настан кај Кочани се обрати до јавноста со болно, но силно прашање.

„Дали мајките кои не се приклучуваат на протестите со родителите на загинатите деца навистина не чувствуваат болка кога ќе слушнат дека згаснало уште едно младо срце?“

„Сакам да се обратам до сите мајки кои не излегоа со нас на маршевите за правда – за нашите починати и повредени деца. Дали тие мајки не чувствуваат болка кога ќе слушнат за изгубено младо срце? Дали нивните срца се од камен? Дали тие чуваат деца дома и мислат дека никогаш нема да бидат на нашето место? Ова не е борба само за нашите деца, туку за сите деца. Молам, разбудете се пред да биде доцна за некој ваш! Ние не бараме ништо повеќе од правда и безбедна иднина“, напиша мајката во коментар на објава на „Инфомакс“.

Повеќе за објавата може да погледнете на „Инфомакс“.