Македонците во Грција од летово ќе плаќаат повеќе за гиро

Веб-порталот „Грција инфо“ објави ажуриран преглед на цените на основните прехранбени продукти и услуги во Грција за тековната година, при што се забележува умерен пораст кој е во согласност со европските економски трендови. Според нив, цените се нешто повисоки во споредба со претходните години, што е очекуван развој со оглед на инфлациските движења ширум континентот.

Во објавата се истакнува дека цените значително варираат зависно од регионот – дали станува збор за копнена Грција, туристички градови или острови – па така, посетителите треба да бидат подготвени за разлики во ценовните листи од едно до друго место.

Списокот со примерни цени објавен во пресрет на летната сезона е наменет како практичен водич за туристите кои сакаат однапред да го планираат својот буџет за одмор.

Меѓу најпопуларните јадења, традиционалниот сендвич „гиро-пита“ ова лето ќе се движи по цена од 3 до 5 евра, додека целосна порција гиро може да достигне од 7 до 10 евра.