Фото: Принтскрин
Грчкиот ракометен клуб АЕК од Атина денеска јавно побара второто финале во Европскиот Куп против Алкалоид да биде презакажано, повикувајќи се на почитување на правилниците на Европската ракометна федерација (EHF), кои, според нив, биле прекршени од страна на македонскиот клуб, а не од нив.
„Барањето не го упатуваме само во име на АЕК, туку и во името на сите кои веруваат дека натпреварите треба да се решаваат исклучиво на терен – во фер и рамноправни услови“, се наведува во соопштението од атинскиот клуб објавено претпладнево.
Од клубот истакнуваат дека уште од самиот почеток на контроверзијата се борат за заштита на честа и угледот на клубот и неговите навивачи, но и за достоинството на грчкиот ракомет и државата воопшто.
„Не се работи само за спортски инцидент, туку и за сериозни прашања, како што е фактот дека на грчките граѓани не им беше дозволено да ја преминат границата со друга европска земја, што претставува невиден преседан“, додаваат од АЕК
