Фото: Принтскрин
Поранешниот француски хирург Жоел Ле Скварнек, стар 74 години, е осуден на 20 години затвор поради едно од најтешките и најмасовни кривични дела од областа на сексуалната злоупотреба во историјата на Франција, пренесуваат тамошните медиуми.
Ле Скварнек, кој е во пензија, на судењето признал вина за сексуално злоставување на вкупно 299 лица – 158 момчиња и 141 девојче – со просечна возраст од околу 11 години. Злосторствата биле извршени во период од 25 години, од 1989 до 2014 година, додека работел во неколку болници низ Франција.
Истражителите откриле дека тој најчесто ги таргетирал пациентите додека биле под дејство на анестезија, како и мали деца кои не биле во состојба да ги разберат или препознаат неговите постапки како злоставување.
