Фото: Pavelandreev.org
По успешно изведена сложена операција во истанбулската болница Liv Hospital, младиот Петар се врати дома, исполнет со надеж и животна енергија. Неговото семејство со радост ја сподели веста за успешниот медицински зафат и изрази длабока благодарност до медицинскиот тим кој се грижеше за него.
Операцијата ја изведе реномираниот хирург проф. д-р Чаѓатај Озтурк, заедно со својот тим, кои со висока стручност и посветеност се погрижија за секој детал од интервенцијата и за рехабилитацијата на Петар.
„Но ова не би било возможно без вас, хуманите срца. Длабоко сме благодарни на секој донатор, на сите што дониравте преку Фондацијата Павел Андреев – вие не сте само донатори, вие сте чудотворци. Благодарение на вас, Петар доби шанса за живот. Вие сте светлината во нашите најтемни денови. Нашето патување не завршува тука. Следуваат интензивни физикални терапии, со надеж да достигнеме ниво за роботска терапија и уште една сложна, но неопходна операција. Борбата продолжува, и ни треба вашата поддршка повеќе од кога било“, велат од семејството.
