Фото: Сашко Кедев
Македонскиот кардиолог и искусен алпинист Сашко Кедев го искачи врвот Канченџанга, кој со своите 8.586 метри се вбројува меѓу најпредизвикувачките планински височини на планетата и е трет по височина во светот.
Искачувањето беше дел од 10-члена меѓународна експедиција организирана од Imagine Nepal, која на 23 мај успешно го достигна врвот на оваа моќна хималајска планина.
Со ова искачување, Кедев ја запиша својата 13-та успешна експедиција на врв повисок од 8.000 метри, познат како „осумилјадник“. Сега му преостанува уште само Гашербрум I за да ја комплетира листата од сите 14 највисоки врвови во Хималаите.
