Сашо Серафимовски тргна пешки на четврто поклонувачко патување – ќе оди до Острог (Фото)

Поклонението како духовна потрага продолжува и годинава за Сашо Серафимовски, кој веќе по четврти пат тргнува на пат со возвишена цел – молитва за здравје и спасение на своите блиски, пријатели, познаници, како и сите што му даваат поддршка во неговите подвизи.

По претходните три патувања – првото до Лешочкиот манастир (45 км), второто до Рилскиот манастир во Бугарија (205 км), и третото, најдолго досега, до румунскиот град Јаши (1270 км), на ред е уште еден свет храм: манастирот Острог во Црна Гора. Патувањето започнува со прво ноќевање во Врање, од каде ќе продолжи кон една од најпознатите православни светињи на Балканот.

Со молитва во срцето и благородна мисија, ова поклонение не е само физички предизвик, туку и длабоко духовно искуство. Нашиот сограѓанин и овој пат ги носи со себе мислите и молитвите за оние што му се најблиски, но и за сите што го поддржуваат во неговиот пат исполнет со верба и надеж.