(Видео) Пукање вечерва во Македонија – полицијата е на терен

Во попладневните часови денеска, во тетовската населба Теќе, на улицата позната како „111“, биле испукани истрели од огнено оружје од страна на лице кое се движело со мотоцикл. Според информациите објавени од „Алсат ТВ“, напаѓачот во движење пукал во засега непозната насока, по што веднаш ја напуштил локацијата.

Очевидци на настанот пријавиле дека напнатоста во делот каде се случил инцидентот веднаш се зголемила, а полициски сили експресно пристигнале на местото за да спроведат увид и да обезбедат докази.

Неофицијално, инцидентот се поврзува со вооружен напад што се случи пред околу една година во истата населба, во близина на улицата 111, што дополнително ја засилува загриженоста на локалните жители, објави „Алсат ТВ“.

Видео: Алсат ТВ