Фото: Ооу Братство Карпош-Скопје
Владимир Грчев, ученик во деветто одделение во основното училиште „Братство“ – Карпош, постигна нов блескав успех освојувајќи златен медал на 29. Македонска Јуниорска Математичка Олимпијада (ЈММО), која се одржа на 18 мај под организација на Сојузот на математичари на Македонија.
Овој извонреден резултат е уште едно признание за неговата истрајност, талент и љубов кон математиката, но и потврда за посветената работа на наставниот кадар. Особено се истакнува улогата на наставникот Петре Крстески, кој со своето менторство и поддршка придонесе Владимир да го достигне самиот врв меѓу младите математичари во државата.
Од училиштето „Братство“ изразија голема гордост за успехот на својот ученик, потенцирајќи дека ваквите достигнувања се одраз на квалитетот на наставата и вложувањето во развојот на учениците.
