Фото: Принтскрин
Два месеца по трагичниот пожар во дискотеката „Пулс“, голем дел од повредените и понатаму се соочуваат со сериозни здравствени последици. Кај многумина се забележани симптоми како тешкотии при дишење, хронични главоболки, вртоглавици и изразена физичка исцрпеност.
Ова го покажаа наодите од завршената здравствена евалуација, спроведена од страна на медицински специјалисти од скопските клиники, кои изминатите денови вршеа детални прегледи и консултации со повредените. Очекувањата се дека во наредниот период ќе бидат изготвени поединечни извештаи, кои ќе ја дефинираат понатамошната терапија и можните рехабилитациски потреби.
Од вкупно околу 200 лица кои беа повредени во пожарот, дури 115 беа упатени на болничко лекување во странство, што говори за сериозноста на последиците.
