Фото: МВР
На 23 мај 2025 година, во 20:25 часот, полициски службеници од СВР Тетово уапсиле шест лица – А.М. (18) од селото Нераште, А.И. (18), Е.Б. (21) и уште тројца малолетници од село Доброште, под сомнение за учество во сериозен инцидент со употреба на огнено оружје.
Инцидентот се случил ноќта на 22 мај, околу 23 часот, кога А.Ј. (22) и Ф.М. (18) од село Одри пријавиле дека додека се движеле со патничко возило „БМВ“ со тетовски регистарски ознаки на регионалниот пат Јажинце – Тетово, биле пресретнати од две други возила кои им го попречиле патот. Според пријавата, по обидот за бегство, биле следени, а потоа слушнале и истрели од огнено оружје.
При истрагата, во близина на селото Пршовце била пронајдена чаура, што го потврдува тврдењето за пукање. Апсените лица се задржани во полициска станица, а по целосно документирање на случајот, против нив ќе бидат поднесени соодветни кривични пријави.
