Фото: Принтскрин
Во центарот на Косовска Митровица денеска се случи сериозен инцидент, кога припадници на косовската полиција опкружија српски матурант. Според сведоци на настанот, еден од полицајците физички го нападнал младиот ученик, фаќајќи го за вратот и нанесувајќи му повреди, при што на неговиот врат биле забележани траги од крв.
Настанот се случил за време на традиционалната матурска парада, кога учениците во придружба на професори и со музичка поддршка од трубачи, се движеа низ улиците на градот. Напнатоста настанала во близина на еден локален кафе-бар, кога според очевидци, едно лице од објектот покажувало националистички симболи – симболот на двоглавиот орел и т.н. “голема Албанија”. Како реакција, дел од матурантите возвратиле со покажување на среден прст.
Граѓаните и професорите кои се нашле во близина реагирале навремено и успеале да го извлечат ученикот од рацете на полицијата, спречувајќи понатамошно насилство.
