Фото: Принтскрин
Силно невреме проследено со густи облаци и обилен дожд попладнево го зафати Белград, предизвикувајќи хаос на улиците и материјални штети, особено на возилата во некои делови од градот. Времето се промени наеднаш, а граѓаните во паника побараа засолниште од поројниот дожд и силниот ветер.
Министерството за внатрешни работи издаде итно предупредување, апелирајќи до сите граѓани да ги напуштат улиците и да останат на безбедни места додека не помине невремето. Властите нагласија дека се работи за временска непогода со потенцијално опасни последици.
На Инстаграм профилот Beogradinfo.rs објавена е видеоснимка од драматична ситуација – спасување на жена која се нашла заробена во надојдена вода, што уште еднаш го потврдува сериозниот интензитет на невремето.
