Фото: МВР
На 21 мај 2025 година, во 14:40 часот, во Секторот за внатрешни работи Скопје било пријавено со задоцнување дека на 19 мај, околу 9 часот наутро, се случила сообраќајна несреќа на сервисна улица која ги поврзува регионалниот пат Скопје – ХЕЦ Козјак со селото Батинци.
Според пријавеното, патничко моторно возило удрило во 13-годишна девојче од селото Црн Врв, по што возачот го напуштил местото на несреќата без да ѝ укаже помош на повредената. Малолетничката се здобила со тешки телесни повреди, кои биле дијагностицирани и документирани во Градската општа болница „Св. Наум Охридски“ во Скопје.
Екипа од СВР Скопје извршила увид на местото на настанот, а во тек е истрага за идентификација на возилото и возачот, како и утврдување на сите околности поврзани со сообраќајката.
