Фото: Принтскрин
Во Секторот за внатрешни работи Скопје завчера во 09:10 часот бил пријавен сериозен инцидент во скопското село Волково. Граѓанинот Ј.Ш. (49) информирал дека во периодот помеѓу 22:00 часот на 18 мај и 06:15 часот на 19 мај 2025 година, во неговиот двор била фрлена отровна супстанција.
Како резултат на тоа, едно од неговите кучиња, кое било домашен миленик, угинало на самото место, додека друго куче покажувало знаци на труење, но со навремена интервенција на ветеринар било спасено.
Надлежните органи преземаат мерки за целосно расчистување на случајот, вклучително и утврдување на сторителот и мотивите зад овој чин.
