Арсовска спречи дивоградба во Чаир, градоначалникот Ганиу го нарече – „принцеза“ (Видео)

Градоначалничката на Скопје, Данела Арсовска, изврши теренска посета на локација во Општина Чаир каде, според неа, се гради објект без потребна документација. Нејзината посета ја пренесуваше во живо преку социјалните мрежи, со што директно ги информираше граѓаните за текот на инспекцијата.

Арсовска беше присутна на теренот заедно со службите, и при вклучувањето во живо нагласи дека градежните активности се изведуваат без соодветни одобренија, при што јавно упати апел до Министерството за внатрешни работи да интервенира и да постапи согласно законските надлежности.

„Во моментов во општина Чаир спротивно на закон си почнале нова дивоградба, за жал во овој момент не реагира МВР, го повикуваме министерот Тошковски кој би требало да реагира, и го повикуваме Стојанче Ангелов овие необезбедениве дупки, каде може сакој случаен минувач да се повреди, да излезат на лице место и да ни кажат дали има сејфти фрст. Направен сериозен ископ, започната градба“, кажа Арсовска во преносот во живо.