(Видео) Запалениот автомобил бил на политичар и бизнисмен од Битола

Во текот на ноќта, на паркинг во Битола избувнал пожар во кој биле зафатени две патнички возила. Според првични, неофицијални информации, едно од опожарените возила му припаѓа на Христо Кондовски, поранешен кандидат за градоначалник од редовите на СДСМ, објави „Скопје1“.

Од Секторот за внатрешни работи Битола потврдија дека во инцидентот биле опожарени две возила. Благодарение на брзата интервенција на екипите на Територијалната противпожарна единица, пожарот бил локализиран и спречено е негово проширување на околните објекти и возила. Во настанот, за среќа, нема повредени лица.

Причините за пожарот засега не се познати, а надлежните служби работат на утврдување на причините и евентуалната поврзаност со намерно предизвикување. Истрагата е во тек.

Фото: Принтскрин/Roberto Navali