Фото: Принтскрин
Во трагична сообраќајна несреќа што се случи попладнето на 19 мај на автопатот Педемонтана, во близина на Комо, автобус полн со ученици се судри со камион, при што една наставничка го загуби животот, а повеќе деца и возрасни беа повредени.
Несреќата се случила непосредно пред влезот во тунел, а видеоснимките од надзорните камери поставени по должината на автопатот покажуваат дека автобусот не успеал да закочи навреме и директно удрил во камионот што се движел пред него. Причините за судирот сè уште се испитуваат, но засега не се исклучува можноста за човечка грешка или технички дефект.
Во автобусот патувале вкупно 30 лица – ученици на возраст од 6 до 9 години, придружувани од наставници и возач. Во ударот животот го загуби 43-годишна наставничка, која починала на самото место. Двајца други возрасни лица, меѓу кои уште еден наставник и возачот на автобусот, се здобиле со повреди. Повредени се и 27 деца, дел од нив со полесни, но и неколку со посериозни повреди. Сите биле пренесени во најблиските болници.
