Фото: Принтскрин
На 19 мај 2025 година, во 09:05 часот, 53-годишната скопјанка Д.Ј. пријавила во СВР Скопје дека пред нешто повеќе од десет дена, на 8 мај околу 18:10 часот, била физички нападната од четворица малолетници во ходник на средно училиште во централното градско подрачје, каде што е вработена.
Според пријавата, напаѓачите биле ученици во истото училиште. Иако мотивите за инцидентот сè уште не се познати, надлежните институции веднаш започнале постапка за утврдување на фактите и идентификација на вклучените лица.
Од МВР информираат дека се преземаат соодветни мерки и активности за целосно расчистување на настанот.
