Фото: Принтскрин
Со усвојувањето на новиот закон, граѓаните на Република Македонија добиваат можност за флексибилен ангажман во работни активности без да ги загубат веќе стекнатите права по други основи.
„Работно ангажирано лице согласно овој закон, може да биде: лице кое не е во работен однос; вработено лице; самовработено лице; лица помлади од 18 години кои согласно општите прописи од работните односи ги исполнуваат условите за засновање на работен однос; студенти; корисник на семејна и старосна пензија, со исклучок на корисници на семејна пензија по основ на неспособност за работа и самостоен живот и странец кој има регулиран престој согласно закон“, вели Мицевски.
Мицевски кажа дека од ова ќе имаат бенефит и граѓаните и државата.
„Овој модел создава тространа добивка – граѓаните добиваат можност за дополнителна заработка, државата ќе има зголемени буџетски приходи преку даноци и придонеси, а работодавачите ќе добијат можност да ангажираат дополнителен кадар“, истакна Мицевски.
