Фото: Принтскрин
Вчеравечер во скопската населба Чаир се случи вооружен грабеж, при што двајца маскирани напаѓачи ограбија вработен на бензинска пумпа, соопшти Министерството за внатрешни работи.
Според информациите од МВР, инцидентот се случил на 19 мај 2025 година, околу 21 часот. Двајцата сторители, вооружени со огнено оружје, му се заканиле на вработениот и му ја одзеле чантата во која, според првичните сознанија, имало пари. Случајот бил пријавен во СВР Скопје во 21:37 часот.
Надлежните служби веднаш излегле на терен и започнале истрага за идентификација и пронаоѓање на напаѓачите. Од МВР информираат дека се преземаат сите неопходни мерки за целосно расчистување на случајот и откривање на сторителите.
