Фото: Атлетската Федерација на Македонија
Македонскиот атлетичар Огнен Стефановски постигна извонреден успех на меѓународен натпревар во Словенија, поставувајќи нов рекорд во дисциплината десетобој со освоени 6521 бод.
Со фантастичен настап на атлетското борилиште во Словенија, Огнен Стефановски успеа да го подобри својот претходен личен рекорд од 6348 бодови, надминувајќи го за дури 173 бодови и поставувајќи ново национално достигнување во десетобој.
Покрај севкупниот рекорд, Стефановски блескаше и во поединечните дисциплини. Тој постави нови лични рекорди во скок во далечина, фрлање ѓуле и фрлање копје – дисциплини кои значително придонесоа за неговиот вкупен резултат и доминација на натпреварот.
Овој успех е потврда за континуираниот напредок на Стефановски, кој со секој настап ги поместува границите на македонската атлетика.
