Фото: Принтскрин
Премиерот и лидер на ВМРО-ДПМНЕ, Христијан Мицкоски, во денешното обраќање на годишната конференција на Унијата на жени на партијата, го најави новиот договор за соработка со Обединетото Кралство како клучна алатка за забрзан економски развој и инфраструктурен подем на земјата.
„Станува збор за спогодба со Велика Британија која предвидува инвестиции вредни шест милијарди евра – средства што ќе се насочат кон изградба на нови автопатишта, брзи железнички линии, болници, модерни училишта и многу други развојни проекти“, истакна премиерот.
Тој ги отфрли како „политички конструкции“ шпекулациите за можни мигрантски кампови во рамки на оваа соработка, потенцирајќи дека такво нешто никогаш не било побарано ниту од британска страна, ниту било воопшто размислувано.
„Ниту ми паднало на памет, ниту било побарано да се градат мигрантски кампови. Тоа јасно го кажав и на британскиот амбасадор“, рече Мицкоски.
