Фото: Принтскрин
Премиерот Христијан Мицкоски објави дека Владата планира сериозна модернизација на вооружените сили и зајакнување на интеграцијата во НАТО преку нов стратешки договор со Обединетото Кралство.
Според него, овој договор ќе придонесе за подобра заштита на државните граници, посилна борба против шверцот, како и проширување на соработката во образованието и другите сектори.
Во рамки на договорот, предвиден е инвестициски циклус вреден 6 милијарди евра. Средствата ќе бидат наменети за изградба на брза и модерна железничка пруга од Табановце до Гевгелија, со фокус на карго и патнички сообраќај.
Покрај тоа, ќе се инвестира во подобрување на здравствената инфраструктура – ќе се заврши проектот за новата болница и студентски дом во Штип, ќе се изгради нова болница во Кичево и ќе се реконструира болницата во Тетово.
