Фото: Принтскрин
Активистите од движењето „Кој е следен?“ најавија дека во сабота организирано ќе отпатуваат за Кочани, каде ќе учествуваат на најавениот протест во чест на жртвите од трагичниот пожар во дискотеката „Пулс“.
Како што посочуваат од иницијативата, нивната цел е да изразат солидарност со семејствата на загинатите и поддршка за сите повредени и погодени од несреќата.
„ОДИМЕ ЗА КОЧАНИ да го поддржиме „Маршот на Ангелите“. Граѓаните на Кочани протестираат макотрпно секоја недела и потребна им е нашата поддршка!
Доколку ви треба превоз или можете да понудите превоз пријавете се на формуларот во био.
Собир: 12:00 часот, паркинг меѓу С.Ц. Јане Сандански и Хилтон
Поаѓање: 13:00 часот
Да не останат сами! Да нема следни!“, пишува во објавата на Инстаграм.
