Скопјанец извршил полов напад врз жена на паркинг: Ја удирал со боксови и нога во лице

Основното јавно обвинителство Скопје заврши истражна постапка и поднесе официјален Обвинителен акт против 37-годишен жител на Скопје, осомничен за извршување на кривично дело – Полов напад и силување.

Како што информираат од Обвинителството, делото е квалификувано согласно член 186 став 3 во врска со став 1 од Кривичниот законик, што укажува на потешка форма на сексуално насилство, извршена под отежнувачки околности.

„На 21 февруари вечерта, со умисла и на сила, спротивно на јасно изразената волја на жртвата, ја присилил на полов однос. Делото го извршил во автомобил, на паркинг во Сопиште, така што најпрво без согласност започнал да ја допира жената, а потоа станал и насилен кон неа затоа што го одбивала.

Ја удирал со боксови и тупаници, па дури и со нога во лицето, предизвикувајќи и телесни повреди – подливи, нагмечување и скршеница на носните коски. Иако му кажала дека не сака да има ништо со него, на сила ја соблекол и ја принудил на полов однос. За цело време оштетената безуспешно се бранела и се обидувала да се оттргне“, велат од Обвинителството.