Фото: Принтскрин
Во интервју за меѓународната медиумска куќа Euronews, премиерот Христијан Мицкоски се осврна на актуелната економска состојба во државата, како и на предизвиците со кои секојдневно се соочуваат македонските граѓани.
Како што изјави премиерот, животниот стандард во Македонија и натаму е тежок, слично како и во останатите земји од регионот. Сепак, според него, она што прави разлика во однос на минатото е чувството на оптимизам и повторното раѓање на надежта кај граѓаните.
„Граѓаните живеат тешко, како и сите во регионот, но она коешто е разлика од пред една година е тоа што се враќа конечно надежта дека можело да не биде-рече премиерот Мицкоски и дополни: Параметрите кои се постигнати оваа година се многу јасни. 2024 година милијарда двесте педесет и пет милиони евра странски директни инвестиции. Македонија е земја со најголем број странски инвестиции по глава на жител во Европа. Инфлација март месец 2,7% на годишно ниво, на месечно ниво 1,3%, значи дефлација. Дури и потрошувачката кошничка којашто ја пресметува синдикатот има намалување на цените во споредба со претходната година. Април месец 2,6%, а на месечно ниво 0,6%. Платите пак растат од 9 до 10% на годишно ниво. За економијата и БДП Светска банка ни предвидуваше 1,8%, а ние во 2024 година имавме 2,8%, поради силниот раст над 3% во третиот и четвртиот квартал во 2024 година. Во првиот квартал од 2025 очекувам до 4%, а може и над 4%. Тоа се бројки, а јас сум математичар и сакам да зборувам за бројки, а бројките се рефлектираат на пракса“, кажа Мицкоски.
