Фото: Ракометна Федерација на Македонија
Европската ракометна федерација (ЕХФ) изврши корекција во распоредот на натпреварите на македонската ракометна репрезентација за претстојното Европско првенство кое ќе се одржи на почетокот на 2026 година.
Според новиот распоред, Македонија ќе го отвори шампионатот со исклучително тежок противник, а тоа ко-домаќинот Данска, закажан за 16 јануари во Хернинг.
Наместо против Романија, како што првично беше најавено, македонските ракометари во второто коло ќе се соочат со селекцијата на Португалија, на 18 јануари.
Последниот натпревар од групната фаза нашата репрезентација ќе го одигра на 20 јануари против Романија, со што ќе се заокружи првата етапа од првенството.
