Туфегџиќ: Снимката со лопата докажува дека таткото на Вања не е поврзан со грабнувањето

Снимката на која се гледа лопата претставува клучен доказ во одбраната на Александар Ѓорчевски и потврдува дека таткото на обвинетиот не бил вклучен во настаните поврзани со обидот за грабнување, истакна денеска адвокатот Владимир Туфегчиќ.

Според Туфегчиќ, снимката документира како Манев и Видевски на 24 ноември 2023 година се враќаат на местото на настанот за да ја земат лопатата, што, според него, е истиот ден кога бил направен неуспешниот обид за киднапирање.

Тој потенцираше дека овој доказ исклучува било какво учество на таткото на обвинетиот во инцидентот и покажува дека сторителите имале однапред утврдена цел – ликвидација на лицето кое подоцна било и грабнато од зградата.