Фото: Принтскрин
Министерот за европски прашања, Орхан Муртезани, вечерва во гостувањето на „Само интервју“ на телевизија „Канал 5“ изјави дека Арбен Таравари имал можност да стане дел од владината коалиција и да преговара за бројот на општини што би ги добил, но ја одбрал спротивната насока.
„Имаше празен лист пред себе и отворена можност да напише колку општини сака, но реши самостојно да настапи на изборите, избирајќи да се приближи до ДУИ и нивниот фронт. Сега останува да видиме како неговата одлука да се приклучи на Европскиот фронт ќе се одрази врз неговиот политички рејтинг“, изјави Муртезани.
Тој потенцираше дека целта на претстојните локални избори ќе биде да се освојат најмалку 50 проценти од општините во земјата.
