Фото: Принтскрин
Инцидент во тетовското село Пирок заврши со приведување на две лица – татко и малолетен син – откако нападнале полициски службеник кој вршел службени дејствија. Настанот се случил вчера околу 19 часот, информира СВР Тетово.
Според првичните информации, полицискиот службеник од Полициското одделение Камењане затекнал 15-годишно момче како управува со патнички автомобил марка „Сеат Ибица“ со тетовски регистарски ознаки. Веднаш било извршено исклучување на возилото од сообраќај поради тоа што возачот бил малолетен и без возачка дозвола.
Во тој момент реагирал таткото, 41-годишниот И.С. од Пирок, кој заедно со синот физички го нападнал полицискиот службеник.
Двајцата напаѓачи биле приведени на лице место и задржани во полициската станица, а по целосно документирање на случајот, против нив ќе бидат поднесени соодветни пријави.
