Фото: МВР
Тешка сообраќајна несреќа се случи доцна вечерта на 14 мај 2025 година, околу 22:20 часот, на регионалниот пат Драчево – Катланово, во близина на селото Морани, скопско.
Според информациите од Министерството за внатрешни работи, патничко возило од марката „Фолксваген Бора“, со скопски регистарски таблички, управувано од 27-годишниот С.Ј. од село Студеничани, изгубило контрола, по што удрило во рефлектирачко столбче, патна ограда и бандера, која паднала директно врз автомобилот.
Во несреќата возачот го загубил животот на самото место, а смртта била констатирана од страна на екипа на Итната медицинска помош. Во возилото се наоѓал и сопатникот Џ.Т. (22), исто така од село Студеничани, кој се здобил со тешки телесни повреди.
Тој бил пренесен во Градската општа болница „Св. Наум Охридски“ во Скопје, каде му е укажана лекарска помош.
