Повредениот гитарист на ДНК: Му благодарам на Бог што ми даде втора шанса

Два месеца по трагичниот настан во дискотеката „Пулс“ во Кочани, каде што животот го загубија повеќе музичари и членови на естрадната сцена, гитаристот и пејач Горан Тонев се огласи за првпат во јавноста.

„Му благодарам на Бога што ми даде втора шанса, му благодарам на целиот персонал од болницата ,,Папаниколау” -Солун за неизмерната грижа и нега која ми ја пружија. Исто така сакам да се заблагодарам и на персоналот во Кочани и Скопје. Голема благодарност за сите мои роднини и пријатели коишто се молеа за мене. Моите чувства се измешани, колкушто сум среќен толку сум и тажен за загубата на сите деца ,а посебно за моите драги колеги и другари. Сочувство за сите фамилии“, напиша тој.